كل ما يسمع موسيقى

تهرب منه اللحظة

اللي المفروض تبان فيها قدرته ع التمثيل

قام قفل كل الرداوى اللي جواه ,

وسد ودانه عن موسيقى حضن حبيبته

لدرجة

إنه إندمج في الدور , وما سمعش المخرج وهو بيقوله

استوب .

ومع نزول دموعه الحقيقية

انجرح كل شئ تلمسه

ومشيت في خط مستقيم محاذى  للكورنيش

انحرفت لغاية ما وصلت بيت لحم ,

وكان شكلها

فى حنية مية نهر الأردن .

بس الغريب اليورانيوم كان مخصب مية النهر

لحد الدموع ما بقت زى الخوخ اللي ملوش طعم .

وما حدش قدر يفوق الممثل الشاب

عشان ياكل الخوخة

أو يستلم الأوسكار