وخز في القلب

ترجعني

لرعشة أول الأشياء

و اصطياد لحظات ممكنة للكتابة

(1)

بتفتح بيبانك

وتسبني لتجاربي في محاولة دخول

من غير أي داتا لدخولك

(2)

خش

بشويش

من غير ما تقرب للخياطات اللي في قلبي

ولا تدور على أول الخيط

خليك

ف دلوقتى , وما تهدش

على الحيط .

(3)

مهمومة بالكتابة

وبنقش غاير في روح كل اللي مروا على,

ح تجيلى امتى الجرأة

لكتابة أسامي العابرين جميعا ؟

ضمائر الملكية وخز في قلبي

بينزع حالة الرضا .

الإسكندرية سبتمبر 2004