ساعة الحيط اللي واقفة على ساعة
كتبهاamina abdalla ، في 31 أغسطس 2006 الساعة: 21:37 م
دايما
ف انتظار خبطة ع الباب
أو حلم جديد لسه ما حلمتش بيه.
الثبات المستمر,
وقبول الأشياء العادية
ساعد على حفر مكاني على كنبة الأنتريه
ف صالة عادية
لبيت عادى
نفس التفاصيل . .
ساعة الحيط اللي واقفة علي ساعة من سنتين
نفس وش جد ما علهو ش أي تعبير !
وصورة زفاف بفستان موديل قديم
-واقفة بمنتهى التقليدية -
تتابع منطقي في بقية الصورة .
وحدة
إلا في حالة الكتابة
بتكون الصحاب كلهم فوق راسك
خايف لأسلوب حد فيهم يظهر في كتابتك
أو الخط يتشابه ,
تعكس لون القلم
وبعد ما تقرا . .
تيجى تقوم
تتوحد مع المكان المحفور ف كنبة الأنتريه
ف الصالة العادية
للبيت العادي
يوليو 2002
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
