ليلاتى

   تحاصرنى دقة الساعات

 بانتظامها

و استشعر خطورة شىء ح يحصل

ساعتها

افتكر خطورة انفراط عقد عائشة.

ليلاتى

اتامل الورقة

ف انتظار التماس الدهبى للحظة الكتابة الهربانة باستمرار

باخد موقف دفاعى من هجوم غير مرئى لمواريث متسلطة على دماغى

باسترجع

ببساطة الربع جنيه المقطوع على تلاته

و مشينا الدؤوب ف النبى دنيال تلات مرات ف الاسبوع

و فكرة المؤامره

وحقيقة ان عائشه و انا و على

على وفاق غريب

جمعت الربع جنيه

و اتآكدت من عدم تداول العملة

الملزوق عليهابيينة واضحة

و استسلمت لحاله من البكاء المستمر